Bismillahirrahmannirrohim....
Assalamu’alaikum Wr.Wb
(muqodimmah)..
Dhumateng para pepundhen, pinisepuh, sesepuh, ajisepuh
ingkang kebak ing kaweruh, ingkang hanggung mastuti dhumateng pepoyaning
kautaman
Para alim, para ulama, bapak-bapak kyai, ibu-ibu nyai
ingkang rinten dalu tansah sinandhing kitab suci wahyuning Ilahi Robbi, ingkang
dados panutaning para santri ingkang pantes satuhu kinabekten.
Para pangembating praja, para satriyaning nagari minangka
pandam-panduming para kawula dasih ingkang satuhu bagya mulya,
Para kadang sinoman lan kadang tumaruna, ingkang dados jejer
kuncaraning bangsa kang ambeg budi darma.
Para tamu kakung sumawana putri ingkang bagya mulya.
Nun kepareng hambuka wiwaraning suka wenganing wicara
dwaraning kandha, bilih ing kalenggahan sonten punika kula ingkang parikedah
hanjejeri minangka pamedar wacana.
Nanging saderengipun jumangkah, nun sumangga panjenengan sedaya kula dherekaken
manungku puja miwah puji syukur kunjuk ing ngarsa Gusti Kang Murbeng Dumadi,
awit saking lumunturing welas asih, tuwin barokah, hidayah, lan inayahiPun,
kita taksih saget kempal manunggal ing sasana mriki tanpa rubeda setunggal
punapa.
Selajengipun shalawat saha salam mugia tansah kunjuk
kasarira dening junjungan kita Nabi Agung Muhammad SAW, ing penjenenganipun
sampun “yahdinnasa minaddulummati illa nur” inggih punika mbekta umat saking
jaman pepeteng utawi jaman jahilliyah tumuju jaman padhang jingglang utawi
Islamiyyah ingkang pundi kita antu-antu syafaatipun mbenjing ing yaummul
kiyamah. Amiin
Para tamu ingkang bagya mulya,
Ing kalenggahan sonten punika kula badhe medhar wacana ingkang
irah-irahane kandele iman. Iman punika napa ta? Tembung iman (إيمان) dijikuk saka tembung
kriya aamana (أمن)
-- yukminu' (يؤمن)
kang tegese percaya utawa benerake.
Iman kuwi teges hakikate percaya,
diarani iman kuwi ora mung percaya, kejaba percaya kudu gelem ngucapake sarana
lisan lan nindakake sarat lan rukune. Apa sing tegese ngucapake sarana lisan?
Ya kudu gelem ngucapake kalimat syahadat loro cacahe, sahadat tauhid lan
sahadat rosul. Ashaduanlailahaillallahu, waashaduanna
muhammadarasulullahu. Ora kena dibatin, ya kudu gelem ra gelem ya
ngucapake, nek wis gelem ngucapake kudu gelem nindakake sarat lan rukune. kayata
kang wis diajarke lan dicontohke dening Rasulullah
lan para sahabate prilaku Iman tanpa dibarengi karo amal perbuatan, iku diarani
fasiq. Fasiq yaiku ngrusak agama. Yen amal
perbuatan tanpa didasari iman yaiku munafiq. Munafiq iku ngene iki lo.. ayo
kuwi mas, ditabuh gamelane (lagu main)
artine wong sing omongane
ngapusi, sikap lan perilakune ora padha karo perbuatane, wong sing nduweni rai
loro. Wong sing munafiq dicap minangka penghianat agama.
Lha.. lek ora gelem diarani fasiq
lan munafiq, kudune yo gelem nindakake sarat-sarate, lan nindakake
rukun-rukune. mangka rukun islam iku ana lima cacahe. Arkanu islam
khomsatun. Lali apa wis urung eling? Apa jajale?
Kaping
pisan kudu syahadat kaya kae mau. Kaping pindho kudu nglakoni sholat. Kaping
telune zakat. Kaping papat weteng kudu betah luwe alias pasa. Sing terakhir
munggah kaji kanggo sing mampu.
Aku duwe crita babagan kandele
iman. Aku duwe kenalan neng adoh kono, dheweke kaya-kaya isa ngrungokake
kelepak sayap jibril, lan iku pengen diwarisne neng putune. Deweke nganggep yen
kabeh suara ing donya iki asale saka kelepak sayap Jibril, tapi yo ora kabeh
isa kaya wong iku, ora kabeh isa ngrungokne kelepak sayap jibril. Babagan kaya
mengkono, kalebu meruhi barang goib, barang sirillah
, trawangan lan sapanunggale, mesti wis duweni
adhedhasar iman kang kuat.
Memperkuat iman iku carane macem-macem, salah sijine
nglakoni sembahyang. Lak neng Islam sembahyange yo sholat iku. Sholat iku dadi pusate
amal sing dilakoni sajroning urip ing donya, bakale ditimbang neng akherat. Lha
amal-amal sing mbok lakoni kuwi akeh, nanging kowe ora salat, rak yo lucu? Tak
umpamakne neng kono kae enek bocah, byuh guantheng nduk, gedi dhuwur, pinter
voli , bal-balan, lek balapan yo banter, nanging ora onok ndase. Kowe gelem? Yo
mesti emoh, makane urip tanpa solat iku kaya-kaya muspra utawa percumtakbergun
jare ustadz Suryandoko. Lha rungokno..kaya lagu iki lo.. (musik masuk).
Iyo to.. arepo urip sewu taon lek ora sembahyang ora ana
paedahe.
Ana maneh sing aneh-aneh, jare iki salah sawijine cara
kanggo ngandelke iman. Turu neng
kuburan, padahal neng omah enek springbed, guling, bojo sing anget, lah kok iki
malah milih turu neng panggonan sing ora jelas.. wong iku biasane jaluk nomer utawa wangsit saka
sing baureksa kuburan iku, ben
sukses.. prilaku mangkono kalebu syirik, wonge musrik, ora oleh dilakoni. Dosa
gedhe! Rakyo wis jelas, “inna sholati wa
nuzukki wa maa yahya wa maa matti lillahirobbil ‘alamin..” satemene
solatku, ibadahku, urip lan matiku,
amung kanggo Gusti Alloh Kang Hakaryo Jagad.
Astagfirulloh hal’adzim..
Sik tak takon.. solat iku wajib? menurutmu sholat iku sing mewajibkan
sopo? Lek jawabane kaya mangkono, cara aku dadi guru, jawabane tak
coret..srett.. NOL.. lha kok kleru? Saiki ayo dipikir, pancene neng ajaran
Islam kuwi, sing gelem salat suk lek mati wis dicepaki panggon penak aran
suwargo, sing ora salat dicepaki panggon angel lan disiksa ning neraka.
>>
sing gelem salat suk
lek mati wis dicepaki panggon penak aran suwargo, brarti sing ngrasakne suwargo
sing salat apa Gusti Alloh?sing salat, trus sing ora salat dicepaki neraka,
brarti sing disiksa neng neraka sing ora salat apa Gusti Alloh? Sing ora salat.
Nha brarti, Gusti Alloh iku disolati yo ora mlebu surga, ora disolati yo ora
mlebu neraka. Rakyo ngono? Genahe lo? Sing ngrasakne surga neraka wonge po
Gusti Alloh? Kamangaka, manungsa iku umume pengen penak pa ora? Penak, lha wis
jelas, lek pengen penak yo solat. Berarti solat iku butuhe dewe po Gusti Alloh?
Lha lek dewe nyaopo sampean sik ngenteni prentahe Gusti Alloh? Dadi, Gusti
Alloh ki mbok solati yo panggah Maha Agung, ora mbok solati yo panggah Maha Kuwasa.
Mula saiki ayo podo donga bebarengan.. mugia piikantuk
ngapura lan rohmat saking Gusti Alloh. (doa)
Wis samene anggonku medhar wacana, apuranen kabeh luputku,
muga ana paedahe.
(sesanti-sallam) à
musik main à
aktor turun ke penonton dan salaman.
Komentar
Posting Komentar
wajib komen..